حوزہ نیوز ایجنسی کے مطابق، حزب اللہ کی ایگزیکٹو کونسل کے مرحوم سربراہ سید ہاشم صفی الدین کا جسد خاکی لبنان کے دارالحکومت بیروت میں تشییع کے بعد ان کے آبائی شہر جنوبی لبنان کے علاقے صور میں واقع گاؤں "دیر قانون النہر" میں تدفین کے لیے منتقل کیا گیا تھا۔
رپورٹ کے مطابق شہداء مقاومت سید حسن نصر اللہ اور سید ہاشم صفی الدین کی نماز جنازہ اس سے پہلے اتوار کو بیروت میں ادا کی گئی۔ جس میں لاکھوں افراد نے شرکت کی۔
شہید سید صفی الدین کی تشییع جنازہ گذشتہ روز دیر قانون النہر میں حسینہ سید الشہداء (ع) میں کی گئی۔ جہاں سوگواروں نے مزاحمتی محاذ کے اس عظیم شہید کے جسد خاکی کو الوداع کیا۔تشییع جنازہ میں بعض شرکاء نے حزب اللہ، ایران، عراق اور لبنان کے پرچموں کے ساتھ ساتھ شہداء سید حسن نصر اللہ اور سید ہاشم صفی الدین کی تصاویر بھی اٹھا رکھی تھیں۔
شہید صفی الدین کی نماز جنازہ میں رہبر معظم انقلاب اسلامی کی طرف سے بھیجے گئے نمائندے بھی موجود تھے۔
قابل ذکر ہے کہ حزب اللہ لبنان کے سیکرٹری جنرل شہید سید حسن نصر اللہ 27 اکتوبر 2024ء، بروز جمعہ کو اور حزب اللہ کی ایگزیکٹو کونسل کے چیئرمین شہید سید ہاشم صفی الدین 4 نومبر 2024ء کو بیروت کے جنوبی مضافاتی علاقوں پر اسرائیلی حکومت کے فضائی حملے کے دوران شہید ہوئے تھے۔
آپ کا تبصرہ